یاش اولی لار گوروینگ بریاردی.اونگ، بیر یازیقلی کیشی یالانچی نگ سالغینینه چاپیپ، باش واقت نمازینی اوقامانی گزیپ دیر. اول بنده نگ مانگلایی سجده دگنینی، ایل آراسندا گوران آدام بولماندیر. شیدیپ اونینگ یاشی اللی-دان آغاندا، عمر چوپی نینگ سانی قوتاریپ، اماناتینی حقا تاپشیریپ دیر. ایل گون، دوغان غارینداش، دوست یار، آغیر معرکه یغنانیپ جنازه نمازه غاراشیپ دورانمش لار. یاش اولی لار، علمالار ساغلانیپ جنازه نمازی اوقولماغنا ماصلاحات گورماندیرلار. سونگ علمالار آغیر معرکه یوزلنیپ: هیی-دا، سیزینگ آرانگیز-دا شو بنده نگ، آرازا توتانینی یا-دا نماز اوقانینی گوران بیلان بار می دییپ سوراپ دیرلار. یونه، معرکه نگ ایچندان، گوردیم دییپ بویین آلان تاپیلماندیر.
یاغدای غینالیپ اوغراپ دیر. یاش اولی-علمالار ینه ماصلاحاته گیریپ دیرلار. سونگ باریپ اونینگ یان یولداشی بولان ماشقالاسیندان سوراپ گوروپ دیرلار.
اونینگ انگیر یاش آغلاپ اتوران ماشقالاسی، یاشین جاغنی_یاشین ماجاغنی بیلمانی یاشماق آستندان سوزلاپ: آلداپ بیلمرین، من-دا چاتیلیپ گوران دالدیرین. یونه اوندان اونگنچاکی یاغداینی،اوز انه-آتاسی بیلسا گراگ دییپ جوغاپ بریپ دیر.
علمالارینگ آراسیندا مدر-مدر دوراپ یاغدای خاص غینالیپ باشلاپ دیر.
شول باده، بیر-دان ایکا، داغ سارسیب داش قوپان یالی، بالاسنه دوزمادیگ باغری گریان انه، یالنگیز بالاسنی خالاس ادمک اوچین، هایبات بیلن معرکه غارشی اینگداریپ دیر.
ایلیم گونیم، آرغا داغ لار، ساغلانا ورینگ، بالام مسلمان لیقدا کاپر گزاندیر اوی ادماورینگ، نامه-دا بولسا بالامینگ چاغالیقدا نماز یوراگیندا باردی، چاغاکا آیاق یالانگاچ اویناب تومموقا چیقیپ اوزی آزان چکن بولاردی، سون انگلیب قالب شول یردا نماز اوقان بولاردی.
اینها شونی من اوزیم گوردیم دییپ، شایادلیق بریپ دوران لارا یالباریب دیر.
انه نگ بوسوزینه آغیر معرکانگ اینی دغلاپ-دغلاپ گیدیپ دیر.
شریعت یولی غیلدان اینچه دیینی یالی، اوندان سونگ، بیگ انه نگ شول سوزینا، جنازه نمازه دوریپ دیرلار.
ادبیات ترکمن: عبدالرحیم آنا مرادی | 